Qozonning «Rubin» klubi bosh direktori Rustem Saymanov haqiqatdan ham «Spartak»da to‘p surayotgan hamyurtimiz Oston O‘runovga qiziqish bildirganini tasdiqladi. Yakunda «Rubin» boshqa futbolchi bilan shartnoma imzolashga qaror qildi.
«Avvaliga biz rad javob berishdi. Keyin Ostonning narxini ma’lum qilishdi, to‘g‘risini aytganda, bu pulga uch nafar futbolchi olardik. Yakunda e’tiborimni yaponiyalik futbolchiga qaratdik. Masala hal, ushbu pozisiyaga yaponiyalik futbolchini ijaraga oldik», - dedi "Rubin" rahbari.
«Rubin» Misuki Saytoni keyinchalik sotib olish sharti bilan ijaraga oldi. O‘runov haqida gapiradigan bo‘lsak, u «Spartak» jamoasida qolmoqda.
