«Бавария» раҳбарларидан бири Карл-Ҳайнс Румменингге Давид Алабанинг айни пайтдаги вазияти ҳақида фикр билдирди.
«Бу борада ҳеч қандай чуқур ўйлашнинг ҳожати йўқ. Барчаси равшан ва буни яширмоқчи ҳам эмасман. Клуб президенти Герберт Ҳайнер унга янги шартнома бўйича таклиф юборганди. Алаба эса буни рад этди.
У шубҳасиз, энг керакли ўйинчиларимиздан бири. Лекин биринчи ўринда жамоанинг умумий манфаати ҳисобга олиниши керак. У ўзига мақбул жойни танлаб кетиш ҳуқуқига эга. Ҳеч ким унга қаршилик қилмайди», - дейди Румменингге.
Эсалтиб ўтамиз, Алаба «қизиллар» сафига 2008 йилда келиб қўшилган эди.
