Донецкнинг «Шахтёр» клуби аъзоси Виктор Коваленко бергамоликлар билан расмий битимга имзо чекди дея хабар беради журналист Бруно Андраде.
Бир неча кун аввал футболчи билан итальян клуби музокаралар олиб бораётгани тўғрисида хабар берган эдик. Энди эса Виктор ёзгача жамоада қолмоқчи эмаслигини билдирди. У қишда «Аталанта»га эркин агент сифатида ўтади.
Энди клуб сафида украиналиклар сони 2 тага етди. Малиновский ва Коваленко бергамоликларга «Скудетто» учун курашда ёрдам беришлари кутиляпти.