Лондоннинг «Арсенал» клуби бош мураббийи Микель Артета АПЛ доирасида «Челси»га қарши бўлиб ўтадиган учрашув ҳақидаги фикрларини билдирди.
«Шубҳасиз, «Челси» таркибида ажойиб футболчилар жамланган. Улар билан бир неча ой аввал ўйнаганимизда ҳам улар топ-жамоа эди. Ҳозир биз АПЛнинг энг кучли таркибига эга бўлган жамоа ҳақида гапиряпмиз.
Лэмпард «Челси»да катта ишларни амалга оширмоқда. Унинг жамоаси ўзига қаттиқ ишонади, ҳатто улар бир нечта ўйинда мағлубиятга учраган бўлишса-да, АПЛ чемпионлиги учун кураш олиб боради», – деди Артета.
