Мадриднинг «Реал» клуби ярим ҳимоячиси Иско январь ойида жамоани тарк этишни жиддий ўйламоқда. Испаниялик футболчининг ўртасида нафақат Зинедин Зидан билан, балки жамоа сардори Серхио Рамос билан ҳам зиддият келиб чиққан.
Аввалроқ, Иско фаолиятини АПЛда давом эттириши мумкинлиги ҳақида хабарлар тарқалганди. Бироқ, сўнгги тарқатилган маълумотларга қараганда Иско «Севилья» таркибига ўтиш ниятида.
Қайд этилишича, Исконинг оиласи айнан шу жамоага ўтишини хоҳламоқда. Футболчи Севильяга яқин бўлган Малага шаҳрида истиқомат қилади.
