Madridning «Real» klubi yarim himoyachisi Isko yanvar oyida jamoani tark etishni jiddiy o‘ylamoqda. Ispaniyalik futbolchining o‘rtasida nafaqat Zinedin Zidan bilan, balki jamoa sardori Serxio Ramos bilan ham ziddiyat kelib chiqqan.
Avvalroq, Isko faoliyatini APLda davom ettirishi mumkinligi haqida xabarlar tarqalgandi. Biroq, so‘nggi tarqatilgan ma’lumotlarga qaraganda Isko «Sevilya» tarkibiga o‘tish niyatida.
Qayd etilishicha, Iskoning oilasi aynan shu jamoaga o‘tishini xohlamoqda. Futbolchi Sevilyaga yaqin bo‘lgan Malaga shahrida istiqomat qiladi.
