Япониялик футболчи Кейсуке Хонда шартномаси якунига етгач, Бразилиянинг "Ботафого" клубини тарк этишини билдирди ва у мухлислардан кечирим сўради. Хонда "Ботафого" таркибида 27 та ўйинда майдонга тушди ва учта гол киритди.
"Клубга ижобий натижа олиб кела олмаганим учун барча танқидларни қабул қиламан. Танқид табиий. Сизларни ғазаблантирганим учун кечирим сўрайман", — деб пост қолдирди Хонда ўзининг "Twitter"даги расмий саҳифасида.
Айни пайтда "Ботафого" 27-турдан кейин турнир жадвалининг 19-поғонасини банд этиб турибди.
