Stadion.uz футбол оламидаги энг ёдда қоларли сонияларни ўзида жам қилган суратлар билан таништириб ўтади.
18 ёшли Марадона. У ҳали олдинда нималар уни кутиб турганидан бехабар...
Бу йигитлар даврида «Арсенал»га АПЛнинг 4-ўринни «уятли» натижа ҳисобланар эди...
1991 йил! Сер Алекс Фергюсон ва Мет Басби! Бу шахслар кучли футболчи бўлмаган, аммо улар афсонавий мураббий сифатида тарихда абадий қолишади!
Камтарин кўринишдаги Юп Ҳайнкесни танидингизми? У ўз вақтида «Реал» ва «Бавария»ни чемпионлик сари етаклаган мураббий саналади!
1966 йилдаги ЖЧнинг асосий қаҳрамонларидан бири- Эйсебио ўзининг голлини нишонламоқда.О«ша мундиалда Португалия қаҳрамони нақд 9 бор рақиб дарвозабонларини ранжитган эди.
1930 йил. Ушбу коллекциямиздаги энг қадрли суратлардан бири! Илк бор ўтказилган мундиалда олинган эсдалик. Финал учрашувида Уругвай Аргентина дарвозасига 4 голни киритмоқда!
Клинсманнинг зарбасини ҳатто ҳакамлар ҳам томоша қилмоқда!
Кристиан Виери атиги бир мавсум »Атлетико« шарафини ҳимоя қилган. Шундай бўлсада, у 24 та ўйинда 24 та гол киритиб мухлислар эътиборини қозонган десак, адашмаган бўламиз.
1984 йил. Қария ва бўлажак юлдузлар тўқнашуви! Кройф Рейкардга қарши!
Роналдино ўз кумири Ромарио билан сўзлашмоқда. 1999 йилда бўлиб ўтган суҳбатдан кўп ўтмай, Ромарионинг ўрнини терма жамоада Роналдино эгаллайди.
Бугунги кунда ўзининг ғоялари билан футболда инқилоб қилган Гвардиола бир пайтлар »Брешиа« шарафини ҳимоя қилгани ҳозир кўпчиликнинг ёдида эмас!
1973 йил. Афсонавий Бобби Чарлтон ўзининг »Манчестер Юнайтед« учун сўнгги учрашувини ўтказди. Қаҳрамонимиз нақд 19 йилни шу жамоа учун бағишлаган!
1995 йил. Сайёрамизнинг энг иқтидорли футболчилари деб тахмин қилинган Клюверт ва Ван Дер Сарлар »Аякс» базасида байрам қилишмоқда
Шундай дўстлар сабабли Жорж Бестнинг фаолияти жуда эрта сўнган десак, адашмаган бўламиз.
