2021 йилнинг 3 янарь куни Франциянинг "ПСЖ" клуби ўз машғулотларини давом эттиришни бошлайди. Парижликлар Янги йилнинг илк кунларидаги машғулотларини катта эҳтимол билан янги бош мураббий қўл остида давом эттиришади.
RMS Sport нашрининг тарқатган маълумотига қараганда, аргентиналик мураббий Маурисио Почеттино кеча Париж шаҳрига етиб келган ва клуб раҳбарияти билан музокара олиб борган.
Манбанинг ёзишига қараганда, "ПСЖ" раҳбарияти бугун ўзининг янги бош мураббийини расман эълон қилади ва 3 январь кунидан бошлаб машғулотлар тикланади.
Эслатиб ўтамиз, Почеттино "Эспаньол", "Саутгемптон" ва "Тоттенхэм" клубларини бошқарган.
