Лондоннинг «Тоттенхэм» клуби бош мураббийи Жозе Моуриньо АПЛ доирасида «Лидс» (3:0) устидан қўлга киритилган ғалаба ҳақидаги фикрлари билан ўртоқлашди.

«Жуда муҳим уч очкони қўлга киритдик. Ўйлайманки, рақиб бизга қаттиқ зарар етказишини тушунган ҳолда ўйнадик. Мен бу тарафдан қониқдим, лекин биз бундан ҳам яхшироқ ишлашимиз керак.

Ўзаро тушуниш – жуда яхши. «Лидс»га қарши ҳужумда ушбу қобилиятга эга бўлиш жуда муҳим эди. Рақиб якка курашларда бизга етарлича қаршилик кўрсатди, шу сабабли, биз ўзаро бир биримизни яхши тушуниб ўйнасак, рақибнинг вазифасини оғирлаштирган бўлардик. Бу режада Кейн ва Сонлар жуда яхши ишлашди.

Ўйлайманки, Премьер-лигада ажойиб футболчилар кўп, ҳаттоки, кутилмаган клубларда ҳам яхши футболчилар бор. Лекин, шуни айтишим керакки, Сон ва Харри жорий мавсум ажойиб ишларни қилишмоқда. Мен бошқа футболчиларимиз ҳам гол киритиларини хоҳлайман. Улар ҳам ўзларини кўрсата олишларини ҳис қилишларини хоҳлайман», – деди Моуриньо BT Sport билан суҳбатда.