Лондоннинг «Челси» клуби бош мураббийи Фрэнк Лэмпард босим остида ишлаётгани ҳақида фикр билдирди.
«Менга босим ёқади. Агар менга босим ёқмаганида биринчи имкониятдаёқ кетган бўлардим. Лекин, мен бундай қилмайман. Менга биринчи босим ўтказадиган инсон - ўзимман. Натижа яхши бўладими ёки ёмонми, фарқи йўқ, доим ўзимни босим остида ушлаб тураман.
Мен жинни эмасман – бизга натижа кераклигини яхши биламан. Шу сабабли, бошни тушириб ишлаш вақти келди. Турнир жадвали ҳақида кўп ҳам ўйламаслик керак. Фақатгина ўзимизнинг ўйинимизгина турнир жадвалидаги ўрнимизни ўзгартириши мумкин», - деди Лэмпард клуб матбуот хизматига.
