Англиянинг «Манчестер Сити» клуби бош мураббийи Хосеп Гвардиола барча турнирларда иштирок этишга ҳаракат қилишини айтиб ўтди. «Шаҳарликлар» аниқ бир турнирга бор эътиборини қаратишмайди.
«Манчестер Сити» ҳеч қачон битта турнирни ёки битта ўйинни қурбон қилмайди. Биз учун барча мусобақалар муҳим аҳамият касб этади.
Яқин соатлар ичида «Челси» билан ўйнаймиз, кейин Лига Кубогида «МЮ»га қарши ўйин кутиб турибди. Шу икки ўйинда ҳам ғалаба қозонмоқчимиз. Кейин эса Англия Кубоги кутиб турибди. Эҳтимол, биз у ерда ёшлар жамоасининг баъзи футболчиларидан фойдаланармиз. Майдонга ким тушишидан қатъий назар, ғалаба учун ўйнаймиз», - деди Гвардиола.
