Испания чемпионатининг 17-тури доирасида «Атлетико» клуби сафарда «Алавес» меҳмони бўлиб очко йўқотишига бир бахя қолди.

Биринчи бўлим тугашига 4 дақиқа қолганида Маркос Льоренте мадридликларни ҳисобда олдинга олиб чиқди.

Учрашувнинг 63-дақиқасида мезбонлар ҳимоячиси Лагуардиа майдонда четлатилди. Майдонда ўн киши бўлиб қолган "Алавес" ўйин тугашига 6 дақиқа қолганида ҳисобни тенглаштиришга муваффақ бўлди.

Сўнгги дақиқа эса Луис Суарес мезбонлар дарвозасини ишғол қилиб, "Атлетико"га 3 очко келтирди. Ушбу ғалабадан кейин Симеоне жамоаси ўз очколарини 38тага етказиб, яна биринчи ўринга қайтди.

Испания Ла лигаси, 17-тур
Алавес – Атлетико 1:2 (0:1, 1:1)
Голлар: 0:1 – 41 Льоренте, 1:1 – 84, автогол Фелипе, 1:2 – 90 Суарес.
Алавес – Пачеко, Лагуардиа, Хави Лопес (Марин, 89), Агиррегабириа, Лежен, Сайнс (Риоха, 68), Мендес (Лукас Перес, 75), Батталья, Ману Гарсия (Тачи, 68), Хота, Дейверсон (Хоселу, 75).
Атлетико – Облак, Эрмосо, Хименес, Фелипе (Лоди, 88), Врсалько, Лемар, Коке, Карраско (Сауль, 82), Льоренте, Корреа (Жоау Феликс, 62), Суарес.
Огоҳлантиришлар: Карраско (29), Суарес (90).
Четлатиш: Лагуардиа (63).