Кеча А Сериянинг навбатдаги тури доирасида ҳамюртимиз тўп сураетган «Женоа» "Сассуоло"га қарши баҳс олиб борди (1:2).
Учрашувдан сўнг меҳмонлар бош мураббийи Давиде Баллардини ўз фикрларини билдириб ўтди.
«Женоа бугун туғилган кунимда менга ижобий натижа беролмади, лекин мен футболчиларнинг кўпгина ижобий тарафларини айтган бўлардим. Ўйинда шуни кўрдимки,шогирдларим 95-дақиқагача кучли Сассуолога қарши ҳеч қачон таслим бўлмадилар.
Биз бир неча имкониятларни яратдик, курашдик ва мен бундан ҳам тажовузкор бўлишимиз мумкинлигини англадим. Буни амалга ошириш учун эса бизда барча имкониятлар мавжуд».
Шомуродов ажойиб формадами? - «Уни ҳозир топ формада деб айта оламан. Аммо ортиқча мақтаб юбормоқчи ҳам эмасман. Бугун у жуда катта ва сифатли ўйин намойиш этди», - дейди Баллардини.
