Англиянинг «Манчестер Юнайтед» клуби собиқ сардори Рой Кин жамоа ярим ҳимоячиси Бруну Фернандеш ҳақида «Манчестер Сити» (0:2) клубига Англия Лига Кубогида бой берилган имкониятдан кейин фикр билдирди.

«Футболда совринни қўлга киритиш осон эмас. Бруну сўнгги бир неча ойларда катта мақтовларга сазовор бўлди, одамлар уни Кантонага тенглаштиришди ва ҳоказо. Аммо, "Манчестер Сити"га қарши ўйинда Бруну ҳақиқатдан ҳам ҳеч нарса қила олмади.

Яхши футболчилар ўзларини катта ўйинларда кўрсатишади. Кантона айнан шундай қилган. Бу нарса бу жамоага бироз етишмаяпти.

«МЮ»га 1-2 нафар футболчи керак, шубҳасиз, уларга ярим финалда ғалаба қозониш учун менталитет ва ишонч керак», – деди Кин Sky Sports билан суҳбатда.