Англия профессионал футбол ассоциацияси айни пайтда мамлакат бўйлаб коронавирус хавфининг ошиб бораётганини ҳисобга олган ҳолда клуб ва футболчилар учун баъзи таъқиқларни қўйди.
The Times нинг хабар беришича, энди АПЛда ўйинолди саломлашиш жараёнлари ўтказилмайди. Шунингдек, футболчиларнинг гол урганидан сўнг уни шериклари билан нишонлаши ҳам таъқиқланади.
Ушбу қайд этилган қоидалар бўйича баёнот Премьер-лиганинг ҳар бир футболчисига тарқатилган.
Эслатиб ўтамиз, АПЛда ҳозирча «Астон Вилла», «Ман Сити» ҳамда «Фулҳем» клубларида вирус аниқлангани боис бир қанча учрашувлар яна қолдирилиши мумкин.
