Росиянинг Euro-football.ru сайти ўз фойдаланувчилари орасида "2011 йилнинг энг яхши ҳаками" сўровномасини ўтказди. ўн нафар номзод орасидан ҳамюртимиз Равшан Эрматов барчадан кўп овоз тўплаб, биринчи ўринни қўлга киритди.
2405 нафар қиши қатнашган сўрономада мухлисларнинг 869 нафари ёки 36,16 фоизи Осиёнинг тўрт карра энг яхши ҳаками билан ўз овозларини бўлишишган.
Иккинчи ўринни эгаллаган англиялик Ҳовард Уэбб эса ўзбек ҳакамидан 31 овоз орқада (34,87 фоиз). 3-ўринни 190 та овоз билан бельгиялик Франк де Блеекере эгаллади. Германиялик Вольфганг Штарк ва Японияда бўлиб ўтган клублар ўртасидаги ЖЧда иштирок этган италиялик Никола Риццоли 150 ва 149 тадан овоз тўплашган.
