«Ливерпул» яримҳимоячиси Фабиньo жамоадоши Муҳаммад Салоҳнинг ёзги трансфер ойнасида жамоани тарк этиши мумкинлигига муносабат билдирди.
«Катта футболчилар ҳар доим миш-мишларга дуч келишади. Салоҳ дунёнинг энг яхши жамоаларидан бири бўлган «Ливерпул»да ўйнайди. Шунинг учун унинг номи бошқа клублар билан боғланиши яхши ҳолат деб ўйлайман. Мен у бу ерда хурсанд эканлигини ва ўз ўйинидан қониқиш ҳосил қилаётганину кўряпман.
Кийиниш хонасида у ҳар доим ҳамма билан мулоқот қилади ва ҳазиллашади. Мо ўзига жуда талабчан, у энг яхши бўлишни, жамоага ёрдам беришни истайди ва бунинг учун астойдил ҳаракат қилади. Мен янгиликларни кузатиб бормайман, шунинг учун ҳар қандай миш-мишларга ишонмайман.” -дейди Фабиньо
