Италиянинг «Милан» вакиллари ва жамоа ярим ҳимоячиси Хакан Чалханоглунинг агенти эртага музокара столига ўтиришади.
La Gazzetta dello Sport нашрининг тарқатган маълумотига қараганда, «россонерлар» Чалханоглу билан шартномани узайтириш учун унинг маошини 4 миллион еврога оширишди.
Хакан Чалханоглу «Милан»нинг асосий футболчиларидан бири саналади. Туркиялик футболчи жамоанинг барча мусобақалардаги 24 та учрашувида майдонга тушди ва олти гол киритди ҳамда 9 та голга ассистентлик қилди.
Хакан Чалханоглунинг амалдаги шартномаси шу мавсумнинг охирида якунланади.
