Маълумингизким, 10 январь, сешанба куни Тошкент телеминораси остонасидаги "Ўзбекистон" спорт залида Ўзбекистон миллий терма жамоаси ва Ўзбекистон миллий футзал терма жамоаси ўртасида ўртоқлик учрашуви бўлиб ўтади.
Шу куни Абрамов ва Мендез шогирдлари ўзаро спарринг рақиб сифатида бир-бирларининг кучларини синаб кўришади. Қайд этиб ўтиш лозимки, Абрамов жамоасида баъзи бир олимпиячиларимизнинг ҳам қатнашиши кутилмоқда.
Ҳозирданоқ мухлисларни ушбу қизиқарли баҳсни ўз кўзлари билан кўришга чорлаб қоламиз. Бунақаси ҳали бўлмаган! Чунки катта футболда тактика ва комбинация иш берса, мини футболда жисмоний тайёргарлик ва чаққонлик бирламчи ҳисобланади.
