Мадриднинг «Реал» клуби бош мураббийи Зинедин Зидан «Атлетик» билан Испания Суперкубоги ярим финал учрашувидан кутганлари билан ўртоқлашди.

«Биз ўйинга яхши тайёргарлик кўрдик. Уч кун ишладик ва кучли рақибга қарши ажойиб ўйин ўтказишга ҳаракат қиламиз.

Эдегор ишлашда давом этмоқда. У бу клубда ўз ўрнини топади ва албатта муваффақият қозонади. Сўнгги пайтларда унда ўйин амалиёти кам бўляпти лекин, у ўз дақиқаларини олади ва натижаларимизга ўз ҳиссасини қўшади, бу жуда муҳим.

Рамоснинг ҳолати яхши, у бор эътиборини эртанги ўйинга қаратади. Ёвич ҳали ҳам орамизда, улар бу ҳақида менга ҳеч нарса айтишмади. Унинг гол уришини истаймиз. У 21 ёшда. Унинг бироз омади келмади. Унда мослашиш, жароҳатлар билан боғлиқ қийинчиликлар мавжуд эди. У жуда кўп нарсани тушуниши керак, аммо унинг маҳорати доимо ўзи билан бирга бўлади », - деди Зидан.