«Ливерпуль» собиқ футболчиси Жейсон Макатир Англия чемпионатининг жорий мавсумидаги турнир жадвали ҳақида ўз фикрини билдириб ўтди.

“Манчестер Юнайтед” жадвалда энг юқорида турибди? Менимча, клуб ўзи учун муносиб бўлмаган ҳудудни эгаллаб олган. Биласизми, «Бёрнли» «Юнайтед»га етарлича қаршилик қила олди. Шунчаки, уларга бирозгина омад етишмади.

“Қизил иблислар” ўзига бўлган ишончини ва жамоавий ўйинини сал бўлсада ошириб олди. Менимча, бу мавсумда Сулшер бошқа мураббийлар каби жароҳатланган футболчилар билан муаммоларга дуч келмаяпти. Уларнинг ҳамма футболчилари юқори формада. Сульшер жамоасини вақти-вақти билан ротация қилиб турибди. Пол Погба марказда Матич билан бирга ўйнади, МакТоминей ва Фреднинг ҳам бу жойга қайтишига ишончим комил. Погба яна чап қанот томонга ўтиб ўйнаши мумкин. Лекин, биласизми, сизга шу нарсани айта оламанки, мавсум якунига етай деганда “Ливерпуль” ва “Манчестер Ситй” чемпионлик учун курашаётган бўлади. Менимча, “Манчестер Юнайтед” пастроққа шўнғиб кетади. Шунингдек, агар «Юнайтед»нинг «Лейпциг», «ПСЖ», «Манчестер Сити» ёки «Арсенал» билан бўлган учрашувларига назар ташлайдиган бўлсак, “қизил иблислар” ўша ўйинлари билан бу ерга етиб келишгани йўқ. Шундан хулоса қиляпман. Биласизми, катта ўйинлар ва жамоада муаммоли вазиятлар вужудга келганда улар нима қила олишади?", — деди Жейсон Макатир.