«МЮ» аъзоси Донни ван де Бек фаолиятини Италияда давом эттириши мумкин. Calciomercato хабарига кўра, Миланнинг «Интер» клуби нидерландиялик футболчи хизматларига жиддий қизиқиш билдирмоқда.
«Нерадзуррилар» Манчестерда борган сари кам ўйин амалиётига эга бўлиб бораётган Доннига анча қулай ва қониқарли шартнома таклиф қилиб кўради.
Ҳозирча «Интер» ван де Бек хариди учун икки хил вариантни кўриб чиқяпти. Уларнинг бирида клуб футболчини кейинчалик сотиб олиш ҳуқуқи билан ижарага олишни режа қилган.
Яна бир вариантда эса трансфер шартларига Кристиан Эриксенни ҳам қўшиб юбориш йўли муҳокама қилинмоқда.
