Туркиянинг «Галатасарай» клуби ҳужумчиси Радамель Фалькао шу ойда жамоасини ўзгартиради. Бу ҳақда Испания матбуоти хабар тарқатмоқда. «Галатасарай» раҳбарияти колумбиялик футболчига ўзига янги жамоа излаши мумкинлиги ҳақида огоҳлантирган.
Қайд этилишича, «Реал» Фалькаонинг хизматига қизиқиш билдирмоқда. «Қаймоқранглилар» колумбиялик ҳужумчини Карим Бенземага ўринбосар сифатида кўришмоқда.
Жорий мавсум Фалькао 9 та учрашувда майдонга тушиб, 5 та гол киритди ва иккита голли узатмани амалга оширди.
