Лондоннинг «Тоттенхэм» клуби бош мураббийи Жозе Моуриньо жамоа ярим ҳимоячиси Гарет Бэйл ҳақида фикр билдирди. Ҳозирча уэльслик футболчи ўзининг яхши жиҳатларини намойиш қила олмаяпти. Моуриньо эса Бэйлга яна бир марта имконият беришга ҳаракат қилмоқда.
«Инсон сифатида у ҳақиқатдан ҳам яхши бола. Бу даврда у «Тоттенхем» мухлислари уни эслаётган даражага чиқа олмаганлигининг сабабларини айтиб ўтиш қийин.
Агар Гарет шу ерда бўлганида эди, биз бу ҳақда озгина гаплашишимиз мумкин эди, лекин бу менинг ўзимга ҳам ноқулай бўлмоқда. У заҳира ўриндиғида ўтирганида ўзини бахтли ҳис қилади деб ўйламайман. Сўнгги икки мавсумда унга Мадридда осон бўлмаганини ўзингиз кўрдингиз. Шундай экан, келинг, қадамма-қадам ундан максимал даражада фойдаланишга ҳаракат қиламиз», - деди Моуриньо.