Премьер-лиганинг 18-туридан ўрин олган «Ливерпуль» ҳамда “Манчестер Юнайтед” жамоалари ўртаси кечадиган марказий учрашув олдидан мерсисайдликлар бош мураббийи Юрген Клопп ўзининг фикрлари билан ўртоқлашди.

“Футболда ғалаба қозониш, айниқса «Юнайтед»ни мағлубиятга учратиш — ёқимли. Шу гапнинг ўзидан бизни муҳим ўйин кутиб турганлигини билиб олиш қийин эмас. Учрашувнинг аҳамияти қандай эканлиги ҳақида ортиқча тўхталиш шарт эмас. Биз «Энфилд»да ўйнаймиз ва албатта ғалаба қозонишни хоҳлаймиз.

Бор эътиборимиз ютуққа қаратилган, чунки улар ҳозирги вазиятни жуда яхши билишади. Рақиб ҳозиргача яхши очколар тўплаб келяпти ва бизда ҳам худди шундай ҳолат. Агар биз ғалаба қозона олсак, яна жадвалда 1-ўринга кўтарилиб олишимиз мумкин.

Жамоаларни узоқ мавсум кутиб турибди, ҳозир очколарни ҳисоб-китоб қиладиган пайт эмас. «Юнайтед» яхши ўйинларни ўтказиб келяпти, чемпионлик учун курашда ортимиздан тақиб қилиб келаётган “Манчестер Сити” ҳам бор. Сиз бошқа жамоалар ҳақида ҳам ўйлаб кўришиз керак, лекин биз бундай қилмаймиз. Биз шунчаки ҳар бир учрашувда ғалаба қозонишга ҳаракат қилиб кўрамиз. Шунинг учун ўзимизнинг энг юқори даражамизни кўрсата олишимиз керак, чунки “Манчестер Юнайтед” яхши жамоа ва улар ҳар доим шундай бўлиб келишган”, — деди Клопп.