Premyer-liganing 18-turidan o‘rin olgan «Liverpul» hamda “Manchester Yunayted” jamoalari o‘rtasi kechadigan markaziy uchrashuv oldidan mersisaydliklar bosh murabbiyi Yurgen Klopp o‘zining fikrlari bilan o‘rtoqlashdi.

“Futbolda g‘alaba qozonish, ayniqsa «Yunayted»ni mag‘lubiyatga uchratish — yoqimli. Shu gapning o‘zidan bizni muhim o‘yin kutib turganligini bilib olish qiyin emas. Uchrashuvning ahamiyati qanday ekanligi haqida ortiqcha to‘xtalish shart emas. Biz «Enfild»da o‘ynaymiz va albatta g‘alaba qozonishni xohlaymiz.

Bor e’tiborimiz yutuqqa qaratilgan, chunki ular hozirgi vaziyatni juda yaxshi bilishadi. Raqib hozirgacha yaxshi ochkolar to‘plab kelyapti va bizda ham xuddi shunday holat. Agar biz g‘alaba qozona olsak, yana jadvalda 1-o‘ringa ko‘tarilib olishimiz mumkin.

Jamoalarni uzoq mavsum kutib turibdi, hozir ochkolarni hisob-kitob qiladigan payt emas. «Yunayted» yaxshi o‘yinlarni o‘tkazib kelyapti, chempionlik uchun kurashda ortimizdan taqib qilib kelayotgan “Manchester Siti” ham bor. Siz boshqa jamoalar haqida ham o‘ylab ko‘rishiz kerak, lekin biz bunday qilmaymiz. Biz shunchaki har bir uchrashuvda g‘alaba qozonishga harakat qilib ko‘ramiz. Shuning uchun o‘zimizning eng yuqori darajamizni ko‘rsata olishimiz kerak, chunki “Manchester Yunayted” yaxshi jamoa va ular har doim shunday bo‘lib kelishgan”, — dedi Klopp.