Италиянинг «Фиорентина» клуби бош мураббий Чезаре Пранделли А Серия доирасида «Наполи» (0:6) жамоасидан қабул қилиб олинган мағлубият ҳақида фикр билдирди.
«Битта ҳам сариқ карточка олмасдан бундай ҳисобда мағлубиятга учрашимиз бизни чуқур ўйга солди. Дарвозамиз томон йўлланган олтита зарбанинг барчаси голга айланди, бундай ўйинлар ҳақида фикр билдириш қийин. Мухлислардан узр сўрамоқчиман, бундай ҳодиса фаолиятим давомида рўй бермаган, ушбу мағлубиятдан тўғри хулоса чиқаришимиз керак.
Ўйин давомида яхши нарсаларни ҳам кўрдим, аммо турнир жадвалида бундай вазиятда турган пайтимизда ютқазмаслигимиз керак», - деди Пранделли Football Italia билан суҳбатда.
