Испания суперкубоги финалида «Атлетик» «Барселона»ни таслим этганидан хабарингиз бор (3:2).
Ушбу ғалабадан сўнг билбаоликлар бош мураббийи Марселино Тораль ажойиб натижани қайд этган ҳолда тарихга кирди.
Opta тарқатган маълумотга кўра у Каталония клубини кетма-кет икки марта финалда мағлуб этган биринчи мураббийга айланиб олди. У дастлабки титулини 2019 йил «Валенcия» билан мамлкат кубогида ютиб олган эди.
Эслатиб ўтамиз, Марселино «Атлетик» бош постига жорий йил тайинланган бўлиб, жамоа ҳозир Ла Лига турнир жадвалида 12-ўринда кетмоқда.
