«МЮ» ҳужумчиси Жесси Лингард ўз келажаги борасида бир қарорга келди.
У кейинги фаолиятини ҳам Англияда давом эттиришни ният қилган. Футболчи раҳбариятга ижара асосида бўлса ҳам АПЛда ўйнашини маълум қилган.
Telegraph хабарига кўра 28 ёшли ҳужумчи хизматларига «Шеффилд» қизиқиш билдирмоқда. Ҳозирча ушбу клуб турнир жадвалининг энг сўнгги поғонасини банд этиб турибди.
Лингард жорий мавсум «қизил иблислар» сафида бирорта ҳам ўйинда майдонга тушгани йўқ.