"Ювентус" клуби собиқ ярим ҳимоячиси Алессио Таккинарди (туринликлар сафида 261 ўйин) "кекса синьора"нинг "Интер"га қарши ўйинини танқид қилди.

"Пирлога осон эмас. Энг аввало у Роналдуга йўл топиши керак. Чунки "Интер" иккинчи голни урганидан сўнг Криштиану табассум қилгани менга ёқмади. Бу истеҳзоли юз буриштириш бўлди.

Мен Ибраҳимович каби буюк футболчилар билан ўйнаганман. Уларда барча нарса барқ уриб турарди: бахт, қатъият, шу билан биргаликда, кескинлик ҳам. Жамоа мағлубиятга учраши мумкин, аммо "Ювентус"да бу нарса бошқача кўринади. Мураббий ва клуб учун қизил чироқ ёнди. Эртага бўладиган Италия суперкубоги баҳсида уни зудлик билан ўчириши керак, акс ҳолда вазият қалтис тус олади", – деди Таккинарди "Football Italia"га берган интервьюсида.

"Ювентус" "Интер"га ютқазиб қўйганидан сўнг А серия жадвалида 5-ўринга тушиб қолди. Туринликлар пешқадам "Милан"дан 10 очко ортда қолишмоқда.