«Блаугранас» раҳбарияти ва мураббийлар штаби Жуниор Фирпони сотишга тайёр, чунки футболчи сўнгги пайтларда ўйин амалиётига деярли эга бўлмаяпти. Футболчининг ўзи ҳам вазиятни ўзгартиришга ва ўз фаолиятини қайта бошлашга қарши эмас.
Манбанинг хабарига кўра, «россионерилар» Фирпони ҳимоячи Тео Эрнандеснинг ўринбосари сифатида, шу мавсум охирига қадар уни ижарага олиш имкониятларини кўриб чиқмоқдалар.
«Милан»дан фарқли ўлароқ, «Вест Ҳем» Трансфермаркт портали томиндан 10 миллион эврога баҳоланаётган Фирпога асосий таркиб ўйинчиси сифатида қарамоқда.
Маълумот учун, 24 ёшли ҳимоячи жорий мавсум барча мусобақаларда 9 ўйин ўтказиб, битта голли узатма амалга оширди.
Қайд этиш жоиз, испаниялик футболчининг «Барселона» билан шартномаси 2024 йил, 30 июнь санасигача амал қилади.
