"Интер" раҳбарияти Лондоннинг "Арсенал" клуби билан ўзаро футболчи алмаштириш вариантини кўриб чиқмоқда.
"Tuttosport" тарқатган хабарга кўра, "нерадзурри" Кристиан Эриксенни Лондонга юбориб, эвазига Лукас Торрейрани қўлга киритмоқчи.
Манбада айтилишича, "Интер" жамоа ярим ҳимоячи Марсело Брозович учун ишончли ўринбосар топмоқчи. Торрейра эса ҳозирда "Атлетико"да ижарада ўйнамоқда.
26 ёшли Кристиан Эриксен жорий мавсумда барча мусобақалар доирасида 14та учрашувда майдонга тушган бўлса, Лукас "матрасчилар" сафида 13та ўйинда иштирок этди.