Кейинги икки кунда ҳаво ҳарорати кескин пасайди. Кеча эрталабданоқ – нонушта маҳали машғулотни майдонда ўтказиш ёки ўтказмаслик масаласи муҳокама қилинди. "Локомотив" бош мураббий барча ёрдамчиларининг фикрини сўради. Ёрдамчи мураббийлар кам вақт бўлса ҳам майдонда машғулот ўтишни ёқлашган бўлса, камина бунга қарши фикр билдирдим; майдондаги машғулот бекор қилиниб, машқлар “тренажёр” ва “зал”га кўчирилди.

Бугунга белгиланган “Металлург” жамоаси билан ўйиннинг тақдири ҳам худди шу сценарийда ҳал бўлди. “Шунчаки қор эмас, балки аввалига ёққан ёмғир аралаш қор билан жуда совуқ ҳароратда музлаган майдонда тўп суришдан ҳеч қандай наф йўқлиги, аксинча фақат жароҳат орттириб олишимиз эҳтимоли юқорилиги ҳақидаги фикримни Микаэль Секейра тўғри тушунди.

Европалик мураббийларнинг мавридида шифокор фикрини тинглаши, унинг ўринли маслаҳатини барча ёрдамчи мураббийларининг мужассам фикридан ҳам устун қўя олишини ҳурмат қиламан.

Аброр Пирриев.