Keyingi ikki kunda havo harorati keskin pasaydi. Kecha ertalabdanoq – nonushta mahali mashg‘ulotni maydonda o‘tkazish yoki o‘tkazmaslik masalasi muhokama qilindi. "Lokomotiv" bosh murabbiy barcha yordamchilarining fikrini so‘radi. Yordamchi murabbiylar kam vaqt bo‘lsa ham maydonda mashg‘ulot o‘tishni yoqlashgan bo‘lsa, kamina bunga qarshi fikr bildirdim; maydondagi mashg‘ulot bekor qilinib, mashqlar “trenajyor” va “zal”ga ko‘chirildi.

Bugunga belgilangan “Metallurg” jamoasi bilan o‘yinning taqdiri ham xuddi shu ssenariyda hal bo‘ldi. “Shunchaki qor emas, balki avvaliga yoqqan yomg‘ir aralash qor bilan juda sovuq haroratda muzlagan maydonda to‘p surishdan hech qanday naf yo‘qligi, aksincha faqat jarohat orttirib olishimiz ehtimoli yuqoriligi haqidagi fikrimni Mikael Sekeyra to‘g‘ri tushundi.

Yevropalik murabbiylarning mavridida shifokor fikrini tinglashi, uning o‘rinli maslahatini barcha yordamchi murabbiylarining mujassam fikridan ham ustun qo‘ya olishini hurmat qilaman.

Abror Pirriyev.