«Боруссия Д» ҳужумчиси Эрлинг Ҳоланд деярли ҳар бир турда ўзига хос натижалар қайд этмоқда.
Кеча унинг жамоаси «Боруссия» дербисида мағлубиятга учраган бўлсада, норвегиялик юлдуз ўз ишини максимал даражада уддалади. Учрашувда дубл қайд этган Эрлинг ўзининг Бундеслига доирасидаги 28 та ўйиндан сўнг 27-голини урди.
Opta Franz нинг маълум қилишича, футболчи гол ва учрашувлар пропорцияси бўйича «Гамбург» собиқ аъзоси Уве Зеелернинг натижасини такрорлади. Бу эса мусобақанинг мутлақ рекорди ҳисобланади.
Маълумот учун Ҳоланд «Боруссия» сафида жами 36 ўйин ўтказган бўлиб, 35 марта рақиблари дарвозасини ишғол этган. Жорий мавсум эса у тўпурарлар баҳсида Левандовскидан 8 та гол ортда қолмоқда.
