«Borussiya D» hujumchisi Erling Holand deyarli har bir turda o‘ziga xos natijalar qayd etmoqda.
Kecha uning jamoasi «Borussiya» derbisida mag‘lubiyatga uchragan bo‘lsada, norvegiyalik yulduz o‘z ishini maksimal darajada uddaladi. Uchrashuvda dubl qayd etgan Erling o‘zining Bundesliga doirasidagi 28 ta o‘yindan so‘ng 27-golini urdi.
Opta Franz ning ma’lum qilishicha, futbolchi gol va uchrashuvlar proporsiyasi bo‘yicha «Gamburg» sobiq a’zosi Uve Zeelerning natijasini takrorladi. Bu esa musobaqaning mutlaq rekordi hisoblanadi.
Ma’lumot uchun Holand «Borussiya» safida jami 36 o‘yin o‘tkazgan bo‘lib, 35 marta raqiblari darvozasini ishg‘ol etgan. Joriy mavsum esa u to‘purarlar bahsida Levandovskidan 8 ta gol ortda qolmoqda.
