Ярим ҳимоячи Мартин Эдегор «Реал» клубидан «Арсенал» жамоасига кўчиб ўтганига изоҳ берди. «Канонирлар» Эдегорни 2020/2021 йилги мавсумнинг охиригача ижарага олди.
«Ушбу битим амалга ошишдан аввал Микель Артета билан жуда кўп маслаҳатлашдим. Ўйлайманки, у топ-мураббийга айланиши учун ҳамма нарсага эга. Менга унинг ғоялари ва футболга бўлган қараши ёқди», - деди Эдегор.
Эслатиб ўтамиз, Эдегор жорий мавсум «Реал» таркибида кўп ҳам ўйин амалиётига эга бўлмади. Ушбу мавсумда у 7 та учрашувда майдонга тушди.
