Tuttosport нашрининг тарқатган маълумотига қараганда, Женнаро Гаттузо эртага катта эҳтимол билан "Наполи" раҳбарияти томонидан истеъфога чиқарилади.
Кеча клуб президенти Аурелио Де Лаурентис испаниялик мураббий Рафаэл Бенитес билан суҳбатлашгани ва унинг Неаполга қайтиш эҳтимоли муҳокама қилингани ҳеч кимга сир эмас.
Гаттузонинг кейинги тақдири эртага Италия Кубоги доирасида бўлиб ўтадиган "Специя" жамоасига қарши бўлиб ўтадиган учрашувдан кейин ҳал бўлади. Шунингдек, хабарда ёзилишича, нафақат эртага қайд этиладиган натижа, балки, Гаттузо клуб президенти билан умумий тил топиша олишига ҳам боғлиқ бўлади.
"Наполи" — "Специя" жамоалари ўртасидаги учрашув эртага тунда Тошкент вақти билан 00:00да бошланади.