Лондоннинг «Арсенал» сардори Пьер-Эмерик Обамеянг нима учун Англия Кубоги доирасида «Саутгемптон» клубига қарши ўйинда майдонга тушмаганини тушунтириб берди.
«Онамнинг соғлиги билан муаммолар бор эди ва унга ёрдам беришим керак эди. Ҳозирда онамнинг соғлиги анча яхшиланди ва мен «Арсенал»га қайтяпман.
Қийин вазиятда ёрдам беришгани учун шифокорларга миннатдорчилик билдираман. Шунингдек, мени ва оиламни қўллаб-қувватлагани учун «Арсенал» клубига ҳам раҳмат айтаман», - деб пост қолдирди Обамеянг ўзининг "Твиттер"даги расмий саҳифасида.
