Россиянинг "КАМАЗ" клуби енгил вазн бўйича UFC чемпиони Хабиб Нурмагомедовга жамоанинг асосий таркибидан жой ваъда қилмоқда.
«Хабиб, хуш келибсан! Катта футболдаги дебютингизни бизнинг жамоада амалга оширишингизни таклиф қиламиз. Бунинг бир нечта сабаблари бор.
ПФЛ – бу футбол UFCси. Бунга яхши мисол бор – «Ак Барс» хоккейчиси Артём Лукояновнинг дебюти.
Ҳар бир ўйинда ғалаба учун майдонга тушамиз. ФНЛга чиқиш вазифаси бўлган амбицияли жамоа.
2021 йилнинг 12 февралидан 5 март кунигача Новороссийскда бўлиб ўтадиган ўтадиган ўқув-йиғин машғулотларимизга таклиф этамиз», – дейилади клуб расмий баёнотида.
Аввалроқ, Хабиб Нурмагомедов катта футболдаги омадини синаб кўриш ниятида эканлигини билдирган эди.
