Италиянинг «Болонья» устози Синиша Михайлович А Серия доирасида «Милан» (1:2) жамоасидан қабул қилиб олинган мағлубият ҳақидаги фикрлари билан ўртоқлашди.
«Биз 3-4 та яхши имкониятларга эга бўлдик, лекин улардан фойдалана олмадик. «Милан» дарвозабони яхши ўйнади, мағлубиятга лойиқ эмасдик, чунки кучли рақибга қарши ўйнадик. Улар бизга пенальтидан гол киритишди, уларнинг ягона имконияти узун пасдан сўнг юзага келди.
Агар Ибрагимович бизнинг таркибимизда ўйнаганида, у ҳола 3:0 ҳисобида ғалаба қозонган бўлардик. Футболчиларим кўрсатган ўйинларидан фахрланишлари керак, улар охиригача кураш олиб боришди, аммо кучли жамоа қарши яхши ўйнаб, якунда мағлубиятга учраётганимиз сўнгги пайтларда тез-тез учраб турибди. Бу бугун ҳам, «Ювентус» билан ўйинда ҳам содир бўлди, - деди Михайлович Sky Sport Italia биан суҳбатда.