"Марсель"нинг франциялик 35 ёшли дарвозабони Стив Манданда мухлисларнинг клуб базасига ҳужуми ҳақида фикр билдирди.
«Мен ушбу клуб ҳақида ҳамма нарсани биламан, унинг яхши ва ёмон кунларидан хабардорман. Аммо, бугунги воқеалар мени хафа қилди, мен уларни номақбул деб биламан. Биз футболчимиз ва спорт инқирози зўравонликнинг бундай авж олишига ҳеч қандай асос беролмайди. Тинчланиш керак» - дея Манданданинг сўзларини келтиради «Марсель» клуби расмий сайти.
Эслатиб ўтамиз, мухлисларнинг клуб базасига ҳужуми натижасида химоячи Альваро Гонсалес енгил жароҳат олган. Шунингдек, бир нечта полиция ходими шикастланган, учта махсус хизмат машинаси зарар кўрган. 25 киши қўлга олинганлиги айтилган.
Мухлислар жамоадаги ҳозирги ҳолатдан қониқиш ҳосил қилишмаяпти.
«Марсель» Лига 1 нинг 20 тури натижаларига кўра 32 очко тўплаб, турнир жадвалида олтинчи ўринни эгаллаб турибди.
