«Атлетико» бош мураббийи Диего Симеоне Ла Лиганинг 21-тур доирасида «Кадис» (4:2) устидан қўлга киритилган ғалаба ҳақидаги фикрлари билан ўртоқлашди.
– «Атлетико» жорий мавсум ҳаммадан кам гол ўтказиб, энг кўп голни киритди. Бу билан фахрланасизми?
– Яхши ҳимоя ўз дарвозангизни яхши қўриқлаш ва яхши футболчилар самарали ўйнаш имкониятини беради. Таркибимизда бундай футболчилар кўп. Агар биз бор эътиборимизни ҳимояга ёки фақатгина ҳужумга қаратганимизда ҳозирги натижага эриша олмаган бўлардик.
– Ла Лигада чемпион бўламиз деб ҳисоблаяпсизми?
– Ўйиндан ўйинга кучайиб боришимиз, машғулотларда кўпроқ меҳнат қилишимиз талаб қилинади, февраль ойида эса бизни ЕЧЛ ўйинлари кутиб турибди. Биз бу турнирда финалгача етиб боришни мақсад қилганмиз. Олдимизга қўйилган мақсадга эришиш учун ҳар бир футболчи яхши спорт формасида бўлиши керак, – деди Симеоне.