Ўзбекистон аёллар миллий терма жамоаси Туркиянинг Анталия шаҳрида ташкил этиладиган “Festival Women’s Trophy 2021” халқаро турнирида қатнашади.

15-24 февраль кунлари бўлиб ўтадиган мазкур мусобақада Ўзбекистон вакиллари Экватор Гвинеяси, Нигерия ҳамда Замбия аёллар терма жамоаларига қарши кураш олиб боради.

Баҳром Норсафаров мураббийлиги остидаги аёллар миллий терма жамоамиз 8-14 февраль кунлари Тошкентда ўқув-машғулот йиғини ўтказади ва 15 январь куни Анталя шаҳрига йўл олади.

Маълумот ўрнида, нигерияликлар аёллар футболи бўйича Жаҳон чемпионатининг мунтазам иштирокчиси ҳисобланади. Замбия аёллар терма жамоаси эса 2021 йилги Токио Олимпиадаси йўлланмасини қўлга киритган Арика қитъасининг ягона жамоасидир.

“Festival Women’s Trophy 2021”. Анталия, Туркия

17 февраль
Ўзбекистон – Экватор Гвинеяси

20 февраль
Ўзбекистон – Нигерия

23 февраль
Ўзбекистон – Замбия