"Ювентус" бош мураббийи Андреа Пирло Италия кубоги ярим финал босқичи доирасида «Интер»га қарши дастлабки ўйиндан сўнг ўз фикрлари билан ўртоқлашди. Мазкур учрашувда «Юве» Роналдунинг "дубли" эвазига 2:1 ҳисобида ғалаба қозонди.

«Чемпионатда «Интер»га қарши ёмон ўйнагандик, аммо ўша баҳс биз учун қимматли сабоқ бўлганди. Ўша баҳсда йўл қўйган хатолар устида ишладик ва мухлислар олдида айбимизни ювдик.

Бу бор-йўғи биринчи учрашув, ҳали ҳеч нарсага эришмадик. Аммо биз ўз кучимизни биламиз. Ўйинга максимал концетрация билан ёндошганимизда ўзимизни тўла кучимиздан фойдалана оламиз.

Деярли ҳар куни майдонга тушиб, бутун ўйин давомида бундай фаол ўйнаш осон эмас. Лаутаронинг голига ажойиб қайтара олдик.

Роналдуни захирага олганимдан у норози бўлди, буни тушунаман, лекин А сериянинг навбатдаги ўйини олдидан унга дам бериш — тўғри бўлади», - деди Пирло.