Италия терма жамоасининг собиқ ҳужумчиси Грациано Пелле яна ўз юртига қайтишга яқин турибди.
Бу ҳақда Calciomercato хабар беради. Футболчи амалдаги клуби Хитойнинг «Шаньдун Лунэн»и билан амалдаги шартномани фавқулодда бекор қилди ва у ҳозирда эркин агент мақомида бўлиб турибди.
35 ёшли ҳужумчи «Парма» билан келишувга эришди ва бугун тиббий текширувдан ўтиш учун Италияга учиб келади. Шартнома жорий мавсум охиригача тузилган.
Қайд этиш керак, Пелле «Парма» сафида 2011/12 йилги мавсумда ҳам фаолият олиб борган. Агар клуб жорий мавсум А Серияда қолишнинг уддасидан чиқса футболчи битимни узайтириши мумкин.
