«Барселона» аъзоси Серхио Робертонинг коронавирусга топширган нақ 26 та тестида мусбат натижа аниқланди.

Бу ҳақда клуб матбуот хизмати хабар беради. Роберто ноябрдан бери сафда эмас эди. У вирусдан ташқари ўнг оёқ мускуллари билан боғлиқ муаммо сабабли ҳам узоқ вақтни лазаретда ўтказиб юборди.

28 ёшли футболчи «кўк-анорранглилар»нинг 31 январь кунги машғулот жараёнларида иштирок этган. У «Атлетик»ка қарши баҳсда ҳам кенггайтирилган таркибдан жой олган эди.

Бироқ Серхио узоқ давом этган танаффусдан сўнг ниҳоят сафга қайтиши кутилаётган бир паллада унинг танасидаги вирус аломатлари ҳали ҳам футболчини тарк этмаяпти.

Эслатиб ўтамиз, Робертонинг айни пайтдаги трансфер нархи 25 миллионга тенг.