Футзал бўйича миллий терма жамоамиз Аргентина билан иккинчи баҳсда ҳам иштирок этди ва кичик, 0:1 ҳисобида имкониятни бой берди. Учрашувдан сўнг,
термамиз етакчиларидан бири Даврон Чориев ўз фикрларини билдириб ўтди.
"Биз бундай ўйинларга тайёр эдик ва бизга осон бўлмаслиги маълум эди. Ушбу рақибни билардик ва ўрганиб чиқдик. Аммо, баъзи хатоларга йўл қўйганимиз бизга панд берди. Ўйлашимча, худди кечагидек, дурангга мос ўйин бўлди.
Вазиятларни якунлаб бериш учун озгина хотиржамлик етишмади деб ўйлайман. Боиси, бундай даражадаги жамоалар қарши тўп тепганда албатта, ҳаяжон бўлади. Агар яна битта ўйин бўлганида ғалаба қозонардик деб ўйлайман"
