Мадриднинг «Реал» клуби бош мураббийи Зинедин Зидан келажаги борасидаги саволга кескин жавоб қайтарди.

«Ўтган йили Ла Лигани ютди. Биз - «Реал»... Кейинги мавсум эҳтимол, бир қатор ўзгартириш киритилар. Аммо бу борада биз курашишга ҳақлимиз. Келинглар курашамиз.

Биз чемпионатни 10 йил аввал эмас, ўтган йили ютдик. Бунга озроқ бўлса ҳам ҳурмат кўрсатишингиз керак. Сизлар - журналистлар кўп гапириб юборяпсизлар. Лекин сизлар жавобгарликни бўйниларингга олишларингиз керак. Сени кетишингни хоҳлайман деб айтинг ёки сени кетишингни хоҳлаймиз деб айтинглар. Бироқ сиз буни юзимга айтишингиз керак, ортимдан эмас.

Мен жамоамга жавоб бераман. Агар нимадир ишламаса, ким жавобгарликни бўйнига олмаётганини кўриш мумкин. Келаси мавсум нимадир қилишимизга тўғри келади. Аммо бу йил жамоа ушбу таркиб билан давом эттиришга лойиқ.

Бир кун «Реал»дан кетаман, эртаси куни эса кетмайман, кейин дуранг ўйнасак ёки мағлубиятга учрасак яна истеъфо ҳақида гап кетади. Қачонки бизда муваффақиятсиз натижа бўлса, мендан бу ҳақда сўрашади. Мен бундай мурожаатга лойиқ иш қилмаяпман.

Мен бироз ғазабдаман, коронавирус сабабли, икки ҳафта мобайнида изоляцияда бўлдим ва тезроқ ўйинда охиригача курашишимни намойиш этишни интизорлик билан кутяпман», – деди Зидан.